မိမိရဲ့ကလေးငယ်များကို အာဟာရ ပြည့်ဝအောင် ကျွေးချင်ကြတာ အမေတိုင်းပါပဲ။ တခါတလေ ကိုယ်က ကျွေးနေပေမယ့် အာဟာရ မစုံတာမျိုး မဖြစ်ရအောင် ကလေးငယ်များကို အစားအစာကျွေးရာမှာ ရွေးချယ်ရလွယ်ကူစေဖို့ အတွက် ဗီတာမင်နှင့် သတ္တုဓာတ်များ ကြွယ်ဝတဲ့ အစားအစာများကို စာရင်းပြုစုထားပါတယ်။ အစားအစာအုပ်စု များကို စုံလင်အောင် ကျွေးဖို့ က အလွန်အရေးကြီးတဲ့ အချက်ဖြစ်ပါတယ်။ အသားဓာတ်ပြည့်ဝဖို့ လိုအပ်တဲ့ အပြင် အသီးအနှံ နဲ့ ဟင်းသီးဟင်းရွက်က ရတဲ့ ဓာတ်များဟာ ရောဂါကာကွယ်နိုင်တဲ့ အတွက် အရောင်အသွေးစုံလင်အောင် ကျွေးသင့်ပါတယ်။
ဗီတာမင် အေ (Vit A) ကြွယ်ဝသော အစားအစာများ – အသည်း၊ ကြက်ဥ ဘဲဥ အနှစ်၊ လိမ်မော်ရောင် အသီးအနှံများ နှင့် ဟင်းသီးဟင်းရွက်များ၊ အစိမ်းရင့်ရောင် အရွက်များ၊ ကန်စွမ်းဥ၊ မုန်လာဥ
ဗီတာမင် ဘီ (Vit B) ကြွယ်ဝသော အစားအစာများ- နို့၊ ကြက်ဥဘဲဥ၊ အသားများ၊ ပင်လယ်စာများ
ဗီတာမင် စီ (Vit C) ကြွယ်ဝသော အစားအစာများ- အသီးအနှံများ၊ ခရမ်းချဉ်သီး၊ ငရုတ်သီး၊ အစိမ်းရောင် ဟင်းသီးဟင်းရွက်များ
ဗီတာမင် ဒီ (Vit D) ကြွယ်ဝသော အစားအစာများ- နို့၊ ကြက်ဥဘဲဥ၊ မှို၊ ဆော်လမွန်ငါး၊ ပင်လယ်စာများ
ဗီတာမင် အီး (Vit E) ကြွယ်ဝသော အစားအစာများ – နေကြာစေ့၊ ဗာဒံစေ့၊ နေကြာဆီ၊ မြေပဲဆီ၊ မြေပဲထောပတ်
ဗီတာမင် ကေ (Vit K) ကြွယ်ဝသော အစားအစာများ- အစိမ်းရင့်ရောင် ဟင်းသီးဟင်းရွက်များ
သွပ်ဓာတ် (Zinc) ကြွယ်ဝသော အစားအစာများ- အသည်း၊ အသားများ၊ ဘဲသွေးကြက်သွေး၊ ငါး၊ အခွံပါသော ပင်လယ်စာများ၊ ကြက်ဥ ဘဲဥ အနှစ်
ကယ်လဆီယမ်ဓာတ် (Calcium) ကြွယ်ဝသော အစားအစာများ- နို့ နှင့် နို့ထွက်ပစ္စည်းများ၊ အရိုးပါ ဝါးစားနိုင်သော ငါးကလေးများ
ဖောလစ်အက်ဆစ် (Folic acid) ကြွယ်ဝသော အစားအစာများ – ပဲအမျိုးမျိုး၊ ကညွတ်၊ လိမ်မော်ရည်
သံဓာတ် (Iron) ကြွယ်ဝသော အစားအစာများ – အသည်း၊ အသားများ (အနီရောင် အသားများတွင် ပိုပါဝင်သည်) သံဓာတ်ဖြည့်ထားသော အစားအစာများ – ဥပမာ- နို့၊ အားဖြည့်ဆန်
source: http://mydoctor.com.mm/
Quick Links