✨✨✨ ဆဲတတ်တဲ့ အကျင့် ပျောက်အောင် ✨✨✨
ကလေးဟာ စကားတတ်လာပြီ ဆိုရင် သူစိတ်ဆိုးတဲ့ အချိန်၊ စိတ်အလိုမကျတဲ့ အချိန်တွေမှာ ဆဲဆိုတဲ့ စကားလုံးတွေ သူ့ပါးစပ်က ထွက်လာနိုင်ပါတယ်။
ဒီလိုကြားရတဲ့ အခါ တုံပြန်လိုက်တဲ့ မိဘတွေရဲ့ တုံ့ပြန်မှုက ကလေးကို ဒီလိုစကားလုံးတွေ ထပ်မသုံးအောင်၊ ထပ်သုံးစွဲအောင် အကျိုးသက်ရောက်စေပါလိမ့်မယ်။
အောက်ပါ အချက်လေးတွေ (၃) ချက်ကို လေ့လာကြည့်ကြရအောင်...။
✨၁။✨ မချုပ်တီးဘဲ ပြုံးရယ်မိနေခြင်း
ကလေးဆီက ဆဲဆိုတာလို ရိုင်းပြတဲ့ စကားလုံးမျိုးကြားရတဲ့အခါ သဘောကျလို့ ပြုံးမိ ရယ်မိ သွားမယ် ဆိုရင်တောင် သူ့ရှေ့မှာ မပြုံးမိပါစေနဲ့။ ကလေးက သူဆဲတာကို သဘောကျတယ် ဆိုပြီး နားလည်သွားနိုင်ပါတယ်။
✨၂။✨ ကလေးကို ပြင်းပြင်းထန်ထန် ဆူပူကြိမ်းမောင်းခြင်း
ကလေးဆဲဆိုနေတာကို ပြင်းပြင်း ထန်ထန် ဆူပူကြိမ်းမောင်းမယ်၊ လွန်လွန်ကဲကဲ ဂရုစိုက်ပေးလိုက်မယ် ဆိုရင် ကလေးအနေနဲ့ ဆဲဆိုခြင်းက လူကြီးရဲ့ ဂရုစိုက်မှုရနိုင်တယ် လို့ တွေးထင်သွားနိုင်ပါတယ်။ ဒါကြောင့် ဒီလိုလုပ်ခြင်းက ကလေးကို နောက်ထပ်ဆဲဆိုမှုတွေ လုပ်ဖို့ အားပေးသလို ဖြစ်နေ နိုင်ပါတယ်။
✨၃။✨ လျစ်လျူရှုထားခြင်း
ကလေးဆဲနေတာကို ဂရုမစိုက်ဘဲ ပစ်ထားလိုက်ဖို့ မိဘတွေအတွက် အလွန်ခက်ခဲပါတယ်။ ဒါပေမယ့် လျစ်လျူရှုထားခြင်းက ဗျူဟာကောင်းတစ်ခု ဖြစ်ကောင်းဖြစ်နိုင်ပါတယ်။
✨✨✨ ကလေးမဆဲအောင် ဘယ်လို ထိန်းမလဲ? ✨✨✨
✨ အေးအေးဆေးဆေး တုံ့ပြန်ပါ။
✨ လေးလေးနက်နက်ပြောပါ။
✨ သူ့စကားလုံးကြောင့် မိဘဖြစ်သူ စိတ်မချမ်းသာ ဖြစ်ရတာကို သိသွားပါစေ။
✨ ဆဲရေးခြင်း၊ ရိုင်းပြတဲ့ စကားလုံးများကို သုံးစွဲခြင်းကြောင့် ကျရောက်မယ့်
အကျိုးဆက်တွေကို ပြောပြပါ။
ကိုးကား - မိဘအုပ်ထိန်းမှုနှင့် ကလေး၏ ပင်ကိုစွမ်းရည်ဖွံ့ဖြိုးမှု (ဒေါက်တာမြင့်လွင်)
✨✨✨ ‘’ကျောင်းနေပျော်၍ စဉ်းစားတွေးခေါ်တတ်ရမည်’’ ✨✨✨
Quick Links