Accident

              ကလေးငယ်များ ထိခိုက်မှု တစ်စုံတစ်ရာမရှိစေရန်အတွက် ဦးစားပေးအရေးကြီးဆုံးအဖြစ် မှတ်ယူ လုပ်ဆောင် လျက်ရှိပါသည်။ သို့သော် ကလေးများ၏ သဘောသဘာဝအတိုင်း စူးစမ်းလေ့လာလိုစိတ်ပြင်းထန်ခြင်း၊ ချင့်ချိန် စဉ်းစားဉာဏ် မဖွံ့ဖြိုးသေးခြင်းတို့ကြောင့် တစ်ခါတစ်ရံ မတော်တဆထိခိုက်မှု တစ်စုံတစ်ရာရှိတတ်ပါသည်။ ကလေးငယ်များမှ မတော်တဆမှုတစ်စုံတစ်ရာ ထိခိုက်နာကျင်မှုကြီးပါက မိဘများအားချက်ချင်း အကြောင်းကြားပေးပြီး လိုအပ်သည့် ကုသမှုများကို မိဘများ၏ ခွင့်ပြုချက်ဖြင့် ကလေးငယ်အား ပြုစုစောင့်ရှောက် သွားမည်ဖြစ်ပါသည်။ အသေးအမွှားကိစ္စများကို ဆရာ/ဆရာမမှ ကျောင်းဆင်းချိန်မိဘများတွေ့ဆုံချိန်တွင်လည်းကောင်း၊ ဖုန်းဖြင့်ဆက်၍သော်လည်းကောင်း၊ Message Book မှသော်လည်း ကောင်း အသိပေးသွားမည်ဖြစ်ပါသည်။ မတော်တဆမှုများကို ကျောင်းတာဝန်ခံမှ CCTV မှတ်တမ်းရယူပြီး လိုအပ်ပါက မိဘများအား အသေးစိတ်တင်ပြပေးသွားပါမည်။ ဆရာ/ဆရာမ နှင့် ဝန်ထမ်းများ၏ ပေါ့ဆမှုဖြစ်ပါက ပြစ်မှုအကြီးအသေး ပေါ်မူတည်၍ အလုပ်မှ ထုတ်ပယ်သည်အထိ အရေးယူသွားပါမည်။

Parent-Teacher Communication

             အောင်မြင်သော မူကြိုအရွယ် အသိပညာပေးခြင်းပတ်ဝန်းကျင်တစ်ခုအတွက် မိဘဆရာပူးပေါင်း ဆောင်ရွက် မှုသည် အဓိကကျသော သော့ချက်တစ်ခုဟု ကျွန်တော်တို့ မူကြိုကျောင်းမှ ယုံကြည်ခံယူထားပါသည်။ သို့ဖြစ်ပါ၍ မိဘများအနေဖြင့် မိမိ သား/သမီး များ၏ တိုးတက်မှုအခြေအနေကို စဉ်ဆက်မပျက် အကဲခတ်၍ ဆရာ/မများနှင့် ပူးပေါင်းဆောင်ရွက်ရန် မေတ္တာရပ်ခံအပ်ပါသည်။ မိမိသား၊ သမီးများ၏ အခြေအနေနှင့်ပတ်သက်သော Parent Teacher Message Book မှတဆင့် ရေးပို့ မေးမြန်းဆွေးနွေးခြင်း၊ တယ်လီဖုန်းဖြင့် တနင်္လာနေ့မှ သောကြာနေ့ ၃ : ၄၅ မှ ၄ : ၃၀ ကြားတွင်လည်းကောင်း၊ လူကိုယ်တိုင် လာရောက်တိုင်ပင်ဆွေးနွေးလိုပါက အင်္ဂါ၊ ဗုဒ္ဓဟူးနှင့် ကြာသပတေး ၃ : ၄၅ မှ ၄ : ၃၀ ကြားအထိ အတန်းပိုင်ဆရာမနှင့် ရက်ချိန်းယူ၍ လာရောက်ဆွေးနွေးနိုင်ပါကြောင်း အသိပေး အပ်ပါသည်။

Complain Procedure

             မိဘအုပ်ထိန်းသူများမှ ကလေးငယ်များ၏ တိုးတက်မှု သင်ကြားရေးနှင့် အထွေထွေဝန်ဆောင်မှုဆိုင်ရာ ကိစ္စရပ်များကို အားရကျေနပ်မှုမရှိပါက သက်ဆိုင်ရာကျောင်းတာဝန်ခံထံသို့ တိုက်ရိုက်ဆက်သွယ် အကြောင်းကြား နိုင်ပါသည်။ အမှုကိစ္စကြီးသေးပေါ် မူတည်၍ (၃)ရက်မှ (၅)ရက်အတွင်း တာဝန်ခံကျေနပ်သည်အထိ ဖြေရှင်းချက် မပေးနိုင်ပါက တိုက်ရိုက်ကျောင်း၏ အရာရှိချုပ်နှင့် ဆက်သွယ်ဆောင်ရွက်နိုင်ပါကြောင်း အသိပေးအပ်ပါသည်။ မည်သည့်ကိစ္စကိုမဆို Win-Win Solution ကိုသာ ရွေးချယ်ရန် ကြိုတင်မေတ္တာရပ်ခံအပ်ပါသည်။

Attendance Policy

                ကျွန်တော်တို့၏ မူကြိုကျောင်းတွင် တက်ရောက်လျှက်ရှိသော ကလေးများ၏ သင်ယူလေ့လာမှု နှောင့်နှေးမှုမရှိစေဘဲ အထောက်အကူဖြစ်စေရန် မိဘများမှ ကလေးငယ်သည် ဖျားနာခြင်းနှင့်အရေးကြီးသော မဖြစ်မနေလိုက်ပါရသော ကိစ္စရပ်များမှလွဲ၍ ကလေးငယ်များကို ကျောင်းသို့ပုံမှန်ပို့ပေးဖို့ လေးစားစွာ တိုက်တွန်း အပ်ပါသည်။ သင်တန်းကျောင်းသို့ ပုံမှန်ပို့ပေးခြင်းအားဖြင့် ကလေးငယ်သည် ကျောင်းမလာချင်သော စိတ်များ မရှိခြင်း၊ သင်ခန်းစာများကို အချိန်နှင့်တပြေးညီ သင်ယူလုပ်ဆောင်နိုင်ခြင်း၊ ကလေး၏ တိုးတက်မှုကိုလည်း မိဘများမှ မျက်ဝါးထင်ထင် တွေ့မြင်နိုင်မည်ဖြစ်ပါသည်။ ကလေးများ၏ ကျောင်းတက်ချိန်မှာ ၉ : ဝဝ မှ ၃ : ၃ဝ ဖြစ်ပြီး ကျောင်းခေါ်ချိန်ထက် စောလွန်းစွာရောက်ရှိခြင်း၊ နောက်ကျခြင်းတို့ကို လက်ခံမည်မဟုတ်ပါ။

Uniform Policy

               မိဘများမှ မိမိတို့၏ သားသမီးမျာကို တနင်္လာ၊ ဗုဒ္ဓဟူးနှင့် သောကြာနေ့တိုင်း မပျက်မကွက် Uniform ဝတ်ဆင်ပေးရပါမည်။ အကယ်၍ ပျက်ကွက်မှုရှိပါက ကျောင်းမှ တစ်ရက်လျှင် ၅၀၀၀ ကျပ် ကောက်ခံသွားမည် ဖြစ်ပါသည်။

Leave Policy

              ကလေးငယ်သည် အကြောင်းတစ်စုံတစ်ရာရှိ၍ ကျောင်းပျက်ကွက်မည်ဆိုပါက ကျောင်းသို့ ဖုန်းဆက်၍ ဖြစ်စေ၊ Message book မှ ကြိုတင်၍ ဖြစ်စေ ခွင့်တိုင်ကြားရပါမည်။ သင်တန်းကျောင်းမှ အပြီးအပိုင်ထွက်မည်ဆိုပါက သင်တန်းကျောင်းသို့ မပျက်မကွက် အကြောင်းကြားရပါမည်။ အကြောင်းကြားမှုမရှိဘဲ (၅)ရက်နှင့်အထက် ပျက်ကွက် ၍ ကျောင်းပြန်တက်မည်ဆိုပါက ကျောင်းမှ ပြန်လည်လက်ခံမည်မဟုတ်ကြောင်း အသိပေးအပ်ပါသည်။

Weather Policy

               ရာသီဥတုဆိုးဝါးပါက ကလေးများ၏ လုံခြုံမှုအတွက် စိတ်ချရ စေရန် ကျောင်းများကို ပိတ်ပေးပါမည်။ အန္တရာယ်ရှိသော ရာသီဥတုအခြေအနေများတွင် ကလေးများကို လုံခြုံအောင်ထားရှိပြီး မိဘများမှ ချက်ချင်း လာကြိုရန် ကြိုတင်အကြောင်းကြားပါမည်။ လာကြိုနိုင်သည့် အခြေအနေမဖြစ်ပါက ကလေးငယ်များကို လုံခြုံစွာ ထားရှိပြီး ကလေးငယ်များကို ၂၄ နာရီအတွင်း မိဘများလာကြိုနိုင်အောင် (သို့) ပို့ဆောင်ပေးနိုင်အောင် စီစဉ်ပါမည်။

Arrival Policy

ကျောင်းတက်ချိန် - ဆရာ/မများနှင့် ဝန်ထမ်းများသည် ကလေးငယ်များကို ကြိုဆိုရန် ကျောင်း၏ Gate ပေါက်တွင် ရောက်ရှိနေမည်ဖြစ်ပါသည်။ သင်၏ကလေးကို အဆောက်အဦး၏ အတွင်းတွင်ဖြစ်စေ အပြင်တွင်ဖြစ်စေ မည်သည့်အခါမျှ တစ်ယောက်တည်းမထားပါနှင့်။ သက်ဆိုင်ရာ ဆရာ/မနှင့် ဝန်ထမ်းလက်ထဲသို့ ထည့်ပြီးမှ ပြန်ပါ။

ကျောင်းလာချိန် နောက်ကျခြင်း - ကျေးဇူးပြု၍ အချိန်မီရောက်ရှိရန် အလေးထားပါ။ မကြာခဏ နောက်ကျခြင်းသည် အတန်းကိုအနှောက်အယှက်ဖြစ်စေပါသည်။

Dismissal Policy

                ကလေးအားလုံးကို အချိန်မီလာကြိုရန် အရေးကြီးပါသည်။ ကျွန်တော်တို့၏ကျောင်းမှ အတန်းမစခင်နှင့် အတန်းပြီး သည်အထိ တာဝန်ရှိပါသည်။ သင်၏ကလေးသည် မမျှော်လင့်ဘဲနောက်ဆုံးမှ လာကြိုခြင်းခံရလျှင် ကလေးသည်လည်း ဝမ်းနည်း နိုင်ပါသည်။ မိဘများမှအကြောင်းအမျိုးမျိုးကြောင့် နောက်ကျပါက ကျောင်းသို့ကြိုတင်အကြောင်းကြားပါ။ သင်၏ကလေးကို သင် လာနေပြီဖြစ်ကြောင်း နှစ်သိမ့်မှုများပြုလုပ်ပေးပါမည်။

Ferry

               Ferry စီးသောကလေးများကို လာကြိုရာတွင် ကြန့်ကြာမှုမရှိစေရန် အချိန်မီပြင်ဆင်ပေးထားရန်နှင့် ကျောင်းပျက်ကွက် မည်ဆိုပါက မိမိကလေးငယ်အား လာကြိုသည့် Ferry ဆီသို့ ကြိုတင်၍ ဖုန်းဆက်အသိပေးအကြောင်းကြားရပါမည်။ ကလေးငယ် များအား Ferry အကြိုအပို့လုပ်ရာတွင် မိဘအုပ်ထိန်းသူများကိုယ်တိုင် အကြိုအပို့လုပ်ပေးပါရန်နှင့် အကြောင်းတစ်စုံတစ်ရာ ကြောင့် မိဘများမှ အကြိုအပို့မလုပ်နိုင်ပါက မိဘများမှ မိမိကိုယ်စားလာကြိုပေးသူထံတွင် ကလေးကိုအပ်နှံခဲ့ရသည့်အခါ ဖြစ်ပေါ် လာမည့်နောက်ဆက်တွဲပြဿနာများကို ကျောင်းမှတာဝန်ယူဖြေရှင်းပေးမည် မဟုတ်ကြောင်း အသိပေးအပ်ပါသည်။

Jewellery Policy

              မိဘများမှ ကလေးငယ်များကို ရွှေ၊ ငွေ၊ ကျောက်သံပတ္တမြားများနှင့် တန်ဖိုးကြီးပစ္စည်းများ လုံး၀ (လုံးဝ) မဝတ်ဆင်ပေးရ ပါ။ ပျက်စီး/ပျောက်ဆုံးမှုတစ်စုံတစ်ရာဖြစ်ပေါ်လာပါက မည်သည့်အကြောင်းကိစ္စကြောင့် ပျက်စီး/ ပျောက်ဆုံးသည်ဖြစ်စေ ကျောင်းမှ လုံး၀ (လုံးဝ) တာဝန်ယူမည်မဟုတ်ကြောင်း အလေးနက်အသိပေးအပ်ပါသည်။

Lunch

              မိဘများသည် နေ့လည်စာထည့်ပေးရမည်ဖြစ်ပြီး ထမင်းဘူးထဲတွင် ထည့်ပေးရပါမည်။ ထမင်းဘူး၏ အပြင်ဘက်တွင် ကလေးနာမည်ကို ထင်ရှားစွာ Name Tag ကပ်ပေးလိုက်ပါမည်။ နေ့လည်စာများကို နေ့လည်စာစားချိန်မတိုင်မီ ကျောင်းရှိ ထမင်းစင်ပေါ်တွင် ထားရှိပါမည်။ Nurture အစားအသောက်များ၊ မအေးသွားအောင် အပူအအေးထိန်းဘူများကို အသုံးပြုပါမည်ဖြစ်ပြီး ကျောင်းမှ နေ့လည်စာ များကို ပြန်နွှေးပေးမည် မဟုတ်ပါ။ နေ့လည်စာကို ကျေးဇူးပြု၍ ကလေးငယ်များစားသင့်သောပမာဏနှင့် ကလေးများစားလို့ရသော အတုံးလေးများဖြစ် အောင် ခပ်သေးသေး ကြိုတင်စီစဉ်ထားပါ။ ငါးနှင့်ကြက်သားများထည့်ပေးပါက အရိုးများထွင်ပေးပါ။ ကလေးများ စားသုံးလို့ သင့်တော်သော အသီးအနှံများနှင့် မုန့်များကိုသာ Snack အတွက်ပြင်ဆင်ကျွေးပေးမည်ဖြစ်ပါသည်။ ရေဘူးထည့်ပေးပါ။ ကျေးဇူးပြု၍ ထမင်းဘူးထဲတွင် လက်ကိုင်ပဝါတစ်ထည် ထည့်ပေးလိုက်ပါ။ တစ်ထည်ကို စားပွဲပေါ်တွင် ခင်းပေးပြီး သုံးရန်ဖြစ်ပါသည်။

Birthday Party

              ကလေး၏ မွေးနေ့အတွက် မိဘများက မုန့်ကျွေးနိုင်ပါသည်။ ကျေးဇူးပြု၍ ကျွေးမည့်ရက်ကို အတန်းပိုင်ဆရာ/မများနှင့် တစ်ပတ်ကြိုသတ်မှတ်ထားပါ။ ကြိုတင်စီမံမထားလျှင် သင်ရွေးချယ်ထားသော နေ့ရက်နှင့် လွဲသွားနိုင်ပါသည်။ ထိုနေ့ရက်တွင် သင့်ကလေး၏ အတန်းဖော်ကလေးများအားလုံးအတွက် အသက်အန္တရာယ်ဖြစ်စေသော ဓါတ်မတည့်မှုနှင့် ပတ်သက်၍ စိတ်ချရ အောင်ပြုလုပ်ရန် လိုအပ်ပါသည်။ သင်ကျွေးမွေးလိုသော မုန့်ကို ဆရာ/ဆရာမအား ကြိုတင်ပြောထားပါ။ သို့မှသာ အခြားမိဘများက လိုအပ်လျှင် လိုအပ်လျှင် အခြားမုန့်တစ်ခုခု ထည့်ပေးလိုက်နိုင်ပါမှာ ဖြစ်ပါသည်။ မိသားစုများမှ ကျွေးမွေးသောမုန့်များသည် ကလေးငယ်အတွက် ဘေးဥပါဒ် မဖြစ်သောမုန့်များဖြစ်ရမည်။ ပမာဏအနည်းငယ်သာ ဖြစ်ရမည်။ (ကွတ်ကီးတစ်ခု၊ ပေါင်မုန့် ပိုင်းလေးတစ်ခု၊ ဒိုးနတ်မုန့်တစ်ခု၊ စသည်ဖြင့်)။ မွေးနေ့ပွဲတွင် ကျွေးသည့် မုန့်များသည် ထုတ်လုပ်သည့်လုပ်ငန်း ပါဝင်ရပါမည်ဖြစ် ပြီး ဆရာ/မက မုန့်မကျွေးခင် အနည်းဆုံး နှစ်ရက်ကြိုတင်၍ အဆိုပြုထားရပါမည်။ အတန်းတစ်တန်းချင်းစီတွင် မွေးနေ့ပွဲကျင်းပရန် ဆရာမက သတ်မှတ်ပေးထားသော သီးခြားနည်းလမ်းကိုယ်စီရှိပါသည်။ အထက်ပါ အချက်အလက်များကို အလေးထားဆောင်ရွက်ပေးသည့်အတွက် ကျေးဇူးတင်ပါသည်။ ကျွန်ုပ်တို့ကလေးများ၏ လုံခြုံ မှုနှင့် နေ့စဉ်အတန်းလုပ်ငန်းစဉ်များ အဆင်ပြေချောမွေ့စေရန် ကြိုတင်ပြင်ဆင်ဖို့နှင့် ပူးပေါင်းဆောင်ရွက်ဖို့ အရေးကြီးပါသည်။

Short Trip

                ကလေးများအတွက် အတွေ့အကြုံသစ်များရရှိစေရန် လေ့လာရေးခရီးတိုများသည် အရေးကြီးပါသည်။ ဆရာ/မများ သည် ၎င်းတို့၏ အတန်းအတွက် အတွေ့အကြုံအပြည့်အဝပေးနိုင်ရန် သင့်တော်သော ခရီးတိုများကို စီစဉ်ပေးပါသည်။ လေ့လာရေးခရီးတိုတွင် သင်နှင့် သင့်ကလေး၏မောင်နှမများ လိုက်ပါခွင့်မရှိပါ။ မောင်နှမများနှင့် လိုက်ပါစောင့်ရှောက် သော မိဘများသည် ဆရာ/မများအတွက် အနှောင့်အယှက်နှင့် ဝန်ထုပ်ဝန်ပိုးဖြစ်စေပါသည်။

Nap and Rest Time

               ဆေးပညာရေးအရ ပြုစုစောင့်ရှောက်ထားသော ငါးနှစ်အောက်ကလေးသူငယ်များသည် တစ်မှေးအိပ်စက်ချိန်တွင် သို့မဟုတ် အနားယူချိန် ရှိသင့်ပါသည်။ ကလေးသူငယ် ပြုစုစောင့်ရှောက်သူများသည် မိနစ် ၃၀ ကျော်သည်အထိ မအိပ်သေး သော နိုးနေသော ကလေးတစ်ဦးကို အခြားကလေးများကို အနှောင့်အယှက် မဖြစ်စေသော ပစ္စည်းကိရိယာများ သို့မဟုတ် ကစား နည်းများကို အသုံးပြု၍ ငြိမ်သက်စွာ နေခွင့်ပြုပါမည်။ ကလေးသူငယ်များကို အတင်းအကျပ် အိပ်စက်ခိုင်းရန် မလိုအပ်ပါ။ သို့သော် တိတ်ဆိတ်စွာနေရန် ပြုလုပ်ရပါမည်။ အချိန်ပြည့်၊ တစ်နေကုန် ကလေးများသည် တစ်မှေးအိပ်စက်ချိန်တွင် ခင်းဖို့အိပ်ရာခင်း၊ စောင်၊ ခေါင်းအုံးတို့အား Nurture မှပေးမည်ဖြစ်ပါသည်။ တစ်မှေးအိပ်စက်ချိန်အတောအတွင်းတွင် ခေါင်းအုံးများ၊ စောင်များ၊ သက်တောင့်သက်သာ ဖြစ်စေသော ပစ္စည်းများကို ခွင့်ပြုထားသော်လည်း အခြားအချိန်အားလုံးတွင် သင့်ကလေး၏ ဗီဒိုထဲတွင် ထည့်သိမ်းထားရပါမည်။ အိပ်ရာများကို သောကြာနေ့တိုင်း ကျောင်းမှ Laundry Service ပေးပြီး သန့်ရှင်းပေးပါမည်။

Personal Belonging

               ကလေးများသည် ပွဲများတွင် ဝေမျှသုံးစွဲရန်နှင့် အိမ်မှပစ္စည်းများကို ယူဆောင်လာနိုင်ပါသည်။ သို့သော် ထိုပစ္စည်းများ ပျက်စီးဆုံးရှုံးမှုအတွက် ကျောင်းမှတာဝန်ယူမည်မဟုတ်ပါ။ ကလေးတစ်ဦးသည် အခြားသူများ ယူမကစားစေချင်သော အရုပ်များ ကို ယူမသွားသင့်ကြောင်း ထိုကလေးအား နားလည်အောင် ကူညီရန်မိဘများက ဆောင်ရွက်ပေးရမည်။ အထိမ်းအမှတ်နေ့တွင် သင်၏ကလေးသည် ပစ္စည်းအသစ်အဆန်း ယူဆောင်လာနိုင်ပါသည်။ ထိုသို့မယူလာခင် ကျေးဇူးပြု၍ ကလေး၏ဆရာမအား အသိပေးထားပါ။ ကလေးများ၏ အဝတ်အစားများသည် အလွန်ဆင်တူနေပြီး အဝတ်အစားအားလုံးတွင် ကလေး၏ အမည်အပြည့်အစုံကို ထင်ထင်ရှားရှား ရေးထားရန် အရေးကြီးပါသည်။ ပြင်ပကစားချိန်များတွင် ကလေးကို ရာသီဥတုနှင့် ကိုက်ညီစွာဝတ်ဆင်ပေးရပါမည်။ အပိုအဝတ်တစ်စုံကို လိုရမယ်ရ ထည့်ပေးရပါမည်။

Toilet Training

                သင်၏ကလေး ကျောင်းစတက်သောအခါ ကျောင်းမှ ဆရာ/မများနှင့် ဝန်ထမ်းများသည် အိမ်သာအသုံးပြုပုံ သင်ကြားခြင်းကို သင်နှင့်အတူ ပူးပေါင်းဆောင်ရွက်လိုပါလိမ့်မည်။ သင်နှင့် သင့်ကလေးသည် သင်ကြားခြင်းစတင်ဖို့ အသင့်ဖြစ် သောအခါ ကျေးဇူးပြု၍ သင့်ကလေး၏ဆရာအား သင်မည်သည့် လုပ်ရိုးလုပ်စဉ်များဆောင်ရွက်လိုကြောင်း အသိပေးထားပါ။ ဤအကူးအပြောင်းကာလတွင် အဝတ်အစားအပိုများကို သေချာစွာ ယူဆောင်လာပေးပါ။ ပေကျံသွားသော အရာများကို မိဘများက အိမ်သို့ယူဆောင် လျှော်ဖွပ်ရန် ပလပ်စတစ်အိပ်ထဲတွင် ထည့်ထားပါမည်။ ကလေးတို့၏ အတွင်းခံထဲ ပြောင်းလဲမှုကို အပြုသဘောဆောင်သော သင်ယူမှုအဖြစ် ခံစားလာစေရန် အားပေးမှု ချီးကျူးမှုများနှင့်တကွ ကြိုးပမ်းသွားမှာဖြစ်ပါသည်။ လဲလှယ်ပေးနိုင်သော ကလေးခါးတောင်းကျိုက်ပိတ်စတွေသည် အစိုဓာတ်အပေါ် ကလေး၏ သဘာဝအလျောက် တုံ့ပြန်မှုကို အဟန့်အတားဖြစ်စေသောကြောင့် ထိုအရာများကို မသုံးစွဲရန် မေတ္တာရပ်ခံပါသည်။

                       ကလေးတွင်ကူးစက်ရောဂါပျောက်ကင်းသွားကြောင်း အဆိုပါကလေးနှင့် အခြားကလေးများကို အန္တရာယ်မဖြစ်စေတော့ ကြောင်း ဆရာဝန်ကထောက်ခံထားခြင်း (သို့မဟုတ်) အမြင်အရ ကူးစက်ရောဂါပျောက်ကင်းသွားခြင်း၊ ၂၄ နာရီ ဆေးသောက်ပြီး သောအခါ အဖျားပျောက်သွားခြင်း၊ ပုံမှန်စားသောက်နေစဉ် ၂၄ နာရီအတွင်း အော့အန်ခြင်း၊ ဝမ်းလျှောခြင်းတို့ ပျောက်ကင်းသွား ခြင်းတို့ကြောင့် ကလေးကိုပြန်လည်လက်ခံနိုင်ပါသည်။ Nurture သည် ဆရာဝန် ထောက်ခံချက်ပါသော်လည်း ကျောင်း၏ မူဝါဒနှင့် မကိုက်ညီသော ကလေးတစ်ဦးကိုကျောင်းမှ ထုတ်ပယ်ခွင့်ရှိပါသည်။ အတန်းထဲမှ ကလေးတစ်ဦးဦးသည် ကူးစက်ရောဂါ ရှိနေလျှင် မိဘများကို အတန်းစာတိုက်ပုံမှတစ်ဆင့် ၂၄ နာရီအတွင်း အကြောင်းကြားစာပေးပို့ပါမည်။

Medication

1. အကိုက်အခဲနှင့် အဖျားပျောက်ဆေး၊ ချောင်းဆိုးပျောက်ဆေးနှင့် နှာစေးပျောက်ဆေးတို့ကဲ့သို့သော ညွှန်ကြားမထား သော ကန့်သတ်ချက်မရှိသော ဆေးဝါးများကို ကလေးတစ်ဦးအား အောက်ပါအခြေအနေများမှလွဲ၍ ပေးနိုင်ပါသည်။
2. မိဘ၏လက်မှတ်ထိုးထားသော ရက်စွဲတပ်ထားသော ရေးသားထားသော ခွင့်ပြုချက်တစ်ခုခုကို ရရှိထားခြင်း။
3. ညွှန်ကြားထားသော ဆေးဝါးသည် မူလဘူးထဲတွင်ရှိနေပြီး ကလေး၏အမည်၊ ဆေး၏အမည်၊ ဆေးညွှန်း၊ ဆေးတိုက် ကျွေးရန် ညွှန်ကြားချက်၊ ရက်စွဲနှင့်ဆရာဝန်၏အမည်တို့ကို ကပ်ထားပါသည်။ ဝန်ထမ်းကိုပေးထားသည့် ဆရာဝန် ရေးသားထားသော ခွင့်ပြုချက်မရှိဘဲတိုက်ရမည့် ဆေးပမာဏနှင့် အကြိမ်အရေအတွက်ကို ပြောင်းလဲ၍ မရပါ။
4. ညွှန်ကြားမထားသော ဆေးဝါးသည် မူလဘူးထဲတွင် ရှိနေမှာဖြစ်ပြီး ကလေး၏အမည်ကို ကပ်ထားသောဆေးညွှန်းနှင့် ဆေးတိုက်ကျွေးရန် ညွှန်ကြားချက်တို့ပါဝင်ရပါမည်။ ပေးထားသော ဆေးဝါးအမျိုးအစား၊ ဆေးညွှန်း၊ အချိန်၊ ရက်စွဲနှင့် ညွှန်ကြားသောသူ၏ အမည်အပါအဝင် ရေးသားထားသော မှတ်တမ်းကို ဆေးမှတ်တမ်းစာရင်းတွင် သိမ်းဆည်းထားပါ မည်။

Tuition Policy

            Nurture ကျောင်းမှဆရာ/မများသည် ကလေးငယ်များအား ကျူရှင်ပြခွင့် (လုံးဝ) ခွင့်ပြုထားခြင်းမရှိပါ။ ဆရာ/မ သည် ကလေးငယ်များအား ကျူရှင်ပြခြင်းသည် ကြီးမားသောပြစ်မှုဖြစ်ကြောင်း ဝန်ထမ်းငှားရမ်းခြင်း သဘောတူညီမှုစာချုပ်တွင် သဘောတူထားပြီး ဖြစ်ပါသည်။ မိဘများအနေဖြင့် ဆရာ/မများကို မိမိ၏ကလေးငယ်များကို ကျူရှင်ပြရန် တောင်းဆိုခြင်းလုံး၀ မပြုလုပ်ရန် အသိပေးအပ်ပါသည်။ မူကြိုအရွယ် ကျူရှင်ထားခြင်းသည် မိဘများ၏ လုံးဝမှားယွင်းသော မလိုအပ်သည့် အလိုဆန္ဒ ဖြစ်ကြောင်း အသိပေးအပ်ပါသည်။